本人首先要做一個利益申報：作為一個番書妹，我嘅廣東話口語其實非常亂七八糟、詞不達意。好多日常用語唔識講，更唔講啲字大部分都唔識寫。
有一日喺面書突然見到呢本書，就覺得一定要入手，惡補一下自己嘅廣東話。
上平時買開書嘅誠品網站，搵到之後立刻訂，隨即就去俾錢買啦。
一打開，見到前面嘅部首索引，心有少少沉咗一下。唔係呀嘩，仲有人識部首索引呢家嘢嘅咩？
好彩再睇落去，本書其實係用我哋呢啲番薯妹一定明白嘅英文字母排列，第一頁係A字頭，第一個詞係「吖」，第二個詞係「吖嘛」，第三個詞係「吖嗱」。
立刻 heaved a big sigh of relief，竟然係咁平易近人！
再睇落去，連「阿崩叫狗——越叫越走」都有，仲有「阿嬋」（阿嬸嘅香港讀法），然後就開始笑啦。
呢本書，一啲都唔係好嚴肅嘅辭典類物體，你簡直可以當佢係一本好幽默嘅書咁睇。包你會心微笑，亦都會恍然大悟：哦！原來呢個詞組係咁解同埋咁寫！
呢本書係最近覺得絕對要入手嘅書。
唔單止自己學到嘢，教小朋友廣東話嘅時候更加係一本極好嘅工具書。
價錢都唔算貴呀，肯定唔可以用一世，都起碼可以用大半世，呢個投資絕對超值！